အနုသုခုမ လက်ရာများ သယ်ယူပို့ဆောင်ရေး

အစားထိုးမရနိုင်သော ယဉ်ကျေးမှုရတနာများ - အတိတ်နှင့်အနာဂတ်ကိုဆက်သွယ်ခြင်း

ပြခန်းများတွင် ခင်းကျင်းပြသရန် ယဉ်ကျေးမှု အမွေအနှစ်များနှင့် အနုပညာလက်ရာများကို သယ်ယူပို့ဆောင်ပေးခြင်းသည် လူအများကို စိတ်လှုပ်ရှားစရာ အတွေ့အကြုံများ ပေးရုံသာမက ကမ္ဘာကြီး၏ ယဉ်ကျေးမှုများကို ကျယ်ကျယ်ပြန့်ပြန့် နားလည်လာစေရန် ကျွန်ုပ်တို့ ပံ့ပိုးပေးနေသည့် ဝန်ဆောင်မှုများအနက် အင်မတန် အရေးပါသော အပိုင်းတစ်ရပ်လည်း ဖြစ်ပါသည်။ Nippon Express သည် ဆယ်စုနှစ်တစ်ဝက် ကြာမြင့်သည့် အချိန်ကာလအတွင်း တည်ဆောက်ခဲ့သည့် အတွေ့အကြုံနှင့် နည်းပညာများကို အသုံးချ၍ ကမ္ဘာကြီးတစ်ခုလုံးနှင့် မျှဝေရန် လိုအပ်သော ပစ္စည်းများကို ဘေးကင်းစိတ်ချရစွာ သယ်ယူပို့ဆောင်ပေးသည်။

Nippon Express အနုသုခုမ လက်ရာများ သယ်ယူပို့ဆောင်ရေး

ယဉ်ကျေးမှုအမွေအနှစ်အမျိုးမျိုးနှင့် ကမ္ဘာ့အဖိုးအတန်ဆုံး ရတနာများကို သယ်ယူပို့ဆောင်ပေးခြင်း

ဘယ်တုန်းကမျှ မရွှေ့ပြောင်းခဲ့ဖူးသည့် ယဉ်ကျေးမှု အမွေအနှစ်များကို ပြောင်းရွှေ့ရန် အခွင့်အရေးပေးအပ်ခြင်းခံရသော Nippon Express သည် ဂျပန်နှင့် နိုင်ငံခြားတိုင်းပြည်များက ပိုင်ဆိုင်သည့် နိုင်ငံ့ရတနာများကဲ့သို့ ယဉ်ကျေးမှု အမွေအနှစ်များနှင့် အနုပညာလက်ရာ မျိုးစုံအပြင် ကမ္ဘောဒီးယားနိုင်ငံ၏ ယဉ်ကျေးမှုအမွေအနှစ်ပစ္စည်းများ၊ အပိုလို ကွန်မန်းမော်ဂျူးနှင့် Tutankhamen အုတ်ဂူမှ ရှေးလူ့အသုံးအဆောင်ပစ္စည်းများ အပါအဝင် ကမ္ဘာ့ထိပ်တန်း ပြတိုက်များနှင့် ပြခန်းများမှ အဖိုးတန်ဆုံး ရတနာများကို သယ်ယူပို့ဆောင်ပေးလျက်ရှိသည်။

ကျွန်ုပ်တို့၏ထုပ်ပိုးခြင်းနှင့် သယ်ယူပို့ဆောင်ရေးနည်းပညာများကို စဉ်ဆက်မပြတ်မြှင့်တင်ခြင်း

နိုင်ငံ့ရတနာများ အပါအဝင် ဂျပန်နိုင်ငံ၏ ယဉ်ကျေးမှု အမွေအနှစ်များနှင့် နှစ်ကာလများစွာအတွင်း ကမ္ဘာ့အဖိုးတန်ဆုံး ရတနာများကို သယ်ယူပို့ဆောင်ပေးနိုင်ခြင်းသည် ကျွန်ုပ်တို့အတွက် ထိုကဲ့သို့ပစ္စည်းများကို နိုင်ငံတကာသို့ သယ်ယူပို့ဆောင်ခြင်းကို ကိုင်တွယ်၍ စီစဉ်ဆောင်ရွက်ရာတွင် ဗဟုသုတနှင့် အတွေ့အကြုံများစွာကို စုဆောင်းမိစေသည်။ ကျွန်ုပ်တို့သည် ယခင် Nippon Express ဝန်ထမ်းမျိုးဆက်များက တီထွင်ခဲ့သည့် နည်းပညာများတွင်သာမက နောက်ဆုံးပေါ် ပစ္စည်းကိရိယာများနှင့် သယ်ယူပို့ဆောင်ရေး နည်းပညာများတွင်လည်း ကောင်းစွာကျွမ်းကျင် ကျင်လည်မှုရှိပါသည်။

ကျွန်ုပ်တို့၏သော့ချက်စကားလုံးမှာ "အရည်အသွေး" ဖြစ်သည်။

အနုပညာလက်ရာများသည် အလွန်အဖိုးတန်ပြီး အစားထိုးမရသောပစ္စည်းများဖြစ်သည်။ သမားရိုးကျကိုင်တွယ်သော နည်းစနစ်များအပြင် ကျွန်ုပ်တို့၏လုပ်ငန်းတွင် လေ့ကျင့်သင်ကြားမှုအစီအစဉ်များတွင် ကျွန်ုပ်တို့၏အရည်အသွေးမြင့်ဝန်ဆောင်မှုများကို အာမခံနိုင်ရန် အခြေခံလေ့ကျင့်ရေးသင်တန်း၊ လက်တွေ့အသုံးချသင်တန်းနှင့် နည်းပြဆရာသင်တန်းများပါဝင်ပြီး အားလုံးကို အဆင့်ဆင့် လုပ်ဆောင်ထားပြီး ထိုကဲ့သို့အနုပညာပစ္စည်းများကို ကိုင်တွယ်ဆောင်ရွက်ရာတွင် လိုအပ်သော စိတ်ခံယူချက်ပါ ထည့်သွင်းသင်ကြားပေးသည်။

အခြားဌာနများနှင့်ပြည်ပအေဂျင်စီများနှင့် တွဲဖက်၍ ဘေးကင်းလုံခြုံသော သယ်ယူပို့ဆောင်ရေးကိုစီစဉ်ခြင်း

ကျွန်ုပ်တို့ကိုင်တွယ်သော အနုပညာလက်ရာများမှာ သေးငယ်သော လက်မှုပစ္စည်းအမျိုးမျိုးမှသည် ကြီးမားပြီးတန်ဖိုးမဖြတ်နိုင်သော ရှေးဟောင်းပစ္စည်းများအထိ အမျိုးမျိုးကွဲပြားခြားနားပြီး ထိုပစ္စည်းများကို နိုင်ငံတကာအတိုင်းအတာဖြင့် သယ်ယူပို့ဆောင်ရန်လိုအပ်မှုမှာ ပို၍ ပို၍ ထင်ရှားလာနေသည်။ လုံခြုံစိတ်ချရစွာ သယ်ယူပို့ဆောင်ပေးနိုင်ရန် လေကြောင်းပို့ ကုန်စည်နှင့် ရေကြောင်းပို့ ကုန်စည်ဌာနများအပြင် ကုန်စည်အကြီးစားများ သယ်ယူပို့ဆောင်ရေး ဌာနများနှင့် ပြည်ပအေဂျင်စီများဖြင့် ခိုင်မာစွာ ချိတ်ဆက်ထားခြင်းဖြင့် ဤအမျိုးမျိုးသော လိုအပ်ချက်များကို ဖြည့်ဆည်းဆောင်ရွက်ပေးသည်။

ကျွန်ုပ်တို့၏ အနုသုခုမ လက်ရာများ သယ်ယူပို့ဆောင်ရေး ဝန်ဆောင်မှုတွင် ပါဝင်သည်များမှာ

• ရှေးဟောင်းအသုံးအဆောင်ပစ္စည်းများနှင့် ရှေးဟောင်းအနုပညာလက်ရာများမှ ခေတ်ပြိုင်အနုပညာလက်ရာများအထိ ပါဝင်သော ဝန်ဆောင်မှုများ
• ပို့ကုန်အတွက် ပြတိုက်သုံး အရည်အသွေးမီသော ကုန်သေတ္တာများထုတ်လုပ်ခြင်းနှင့် ထုပ်ပိုးခြင်း ဝန်ဆောင်မှုများ
• ပြတိုက်ပစ္စည်းများကို တပ်ဆင်ခြင်းနှင့် ပြန်ဖြုတ်ခြင်း။
• အကောက်ခွန်စာချုပ်ချုပ်ဆိုသည့် လုပ်ဆောင်ချက်များပါရှိပြီး အပူချိန်နှင့် စိုထိုင်းဆ ထိန်းချုပ်ထားသော ကုန်လှောင်ရုံများတွင် သိမ်းဆည်းခြင်း
• လေဆိုင်းထိန်းစနစ်နှင့် လေအေးပေးစက်များ တပ်ဆင်ထားသည့် အထူးမော်တော်ယာဉ်များဖြင့် သယ်ယူပို့ဆောင်ရေး
• ပြီးပြည့်စုံသော ပြခန်း အာမခံအစီအစဉ် (အစအဆုံး တာဝန်ယူဆောင်ရွက်ပေးခြင်းနှင့် ဖြစ်လာနိုင်သည့် အန္တရာယ်အားလုံး တာဝန်ယူဆောင်ရွက်ခြင်း)
• နိုင်ငံတကာ သယ်ယူပို့ဆောင်ရေး၊ ARTIM အဖွဲ့ဝင်များအပါအဝင် နိုင်ငံရပ်ခြားမှ ကျွမ်းကျင်ပညာရှင်များနှင့် ပူးပေါင်းဆောင်ရွက်ခြင်း

အခြား

တိုကျို၊ နာဂိုယာနှင့် ကျိုတိုတို့တွင်ရှိသော ကျွန်ုပ်တို့၏အဓိကရုံးခွဲများအပြင် ဂျပန်ရှိအဓိကမြို့ကြီးများအားလုံးပါဝင်သည့် ကွန်ရက်တစ်ခုကို ကျွန်ုပ်တို့ဖန်တီးခဲ့ပြီး အနုပညာလက်ရာများကိုကိုင်တွယ်ရာတွင် ကျွမ်းကျင်ပညာရှင်များကို ခန့်အပ်ထားသလို အနုပညာလက်ရာများ သယ်ယူပို့ဆောင်ရေးအတွက် အထူးဒီဇိုင်းထုတ်ထားသည့် ကားများကို အသင့်ပြင်ဆင်ထားရှိသည်။
ကျွန်ုပ်တို့၏ဖောက်သည်များထံမှ အမျိုးမျိုးသော သယ်ယူပို့ဆောင်ရေးလိုအပ်ချက်များအတွက် နိုင်ငံတကာ သယ်ယူပို့ဆောင်ရေး ဝန်ဆောင်မှုများအား ARTIM အဖွဲ့ဝင်များအပါအဝင် ပြည်ပအေဂျင်စီများနှင့် တွဲဖက်၍ ဖြေရှင်းနည်းများ ပေးပါသည်။
ကျွန်ုပ်တို့သည် (ဂျပန် ပြတိုက် အဖွဲ့အစည်းမှ အသိအမှတ်ပြုလက်မှတ်ရထားသော) အထူးကျွမ်းကျင်သည့် အနုပညာလက်ရာ ထိန်းသိမ်းကိုင်တွယ်သူများနှင့် ယဉ်ကျေးမှု အမွေအနှစ်ပစ္စည်းများတွင် အင်းဆက်နှင့် ဘက်တီးရီးယားများကြောင့် ထိခိုက်ပျက်စီးမှုအတွက် သုတေသန အဖွဲ့အစည်းတွင် မှတ်ပုံတင်ထားသည့် ယဉ်ကျေးမှု အမွေအနှစ်ပစ္စည်းများအတွက် IPM (ဘက်စုံ ပိုးမွှားစီမံခန့်ခွဲမှု) ညှိနှိုင်းဆောင်ရွက်ရေးမှူးများ အပါအဝင် အသိအမှတ်ပြုလက်မှတ်ရထားသော ပြင်ပအဖွဲ့အစည်းများက ပံ့ပိုးပေးသည့် အရည်အချင်းပြည့်မီသော ဝန်ထမ်းများကိုပင် ပိုမိုပြည့်စုံအောင် ဖြည့်စွက်ခန့်အပ်ထားပါသည်။